బాహుబలిలో నటించా.. కానీ సీన్ కట్ చేశారు: అజయ్ ఘోష్

టాలీవుడ్ నటుడు అజయ్ ఘోష్ తాజాగా ఓ ఇంటర్వ్యూలో తన సినీ ప్రయాణానికి సంబంధించిన ఆసక్తికర విషయాలను పంచుకున్నారు. దర్శకుడు ఎస్.ఎస్. రాజమౌళి తెరకెక్కించిన బ్లాక్‌బస్టర్ చిత్రం బాహుబలిలో తాను నటించినప్పటికీ, సినిమా నిడివి కారణంగా తన సన్నివేశాన్ని ఎడిటింగ్‌లో తొలగించారని వెల్లడించారు. దీనిపై పెద్దగా బాధపడకపోయినా, అభిమానులు ఆ సీన్ గురించి అడిగినప్పుడు వివరణ ఇవ్వాల్సి వచ్చేదని చెప్పారు. సీనియర్ నటుడు కోట శ్రీనివాసరావును తన ఆదర్శంగా భావిస్తున్నానని, ఆయన స్థాయిలో గొప్ప నటుడిగా ఎదగడమే తన లక్ష్యమని తెలిపారు. అవార్డుల కంటే ప్రేక్షకుల ప్రేమ, గుర్తింపే నిజమైన పురస్కారమని పేర్కొన్నారు. అలాగే విచారణ చిత్రంలో తన నెగటివ్ పాత్ర చూసి కొందరు నిజంగానే తనపై ఆగ్రహం వ్యక్తం చేసిన సంఘటనను గుర్తు చేసుకున్నారు. ప్రస్తుతం తెలుగు, తమిళ భాషల్లో వరుస సినిమాలు చేస్తూ బిజీగా ఉన్న అజయ్ ఘోష్, ఇతర భాషల్లోనూ మంచి గుర్తింపు రావడం ఆనందంగా ఉందని తెలిపారు.