పెట్రోల్ దాడి ఘటనలో ఆరుగురు అరెస్ట్..!

ఆదోని మున్సిపల్ ఉద్యోగిని నరసమ్మపై జరిగిన పెట్రోల్ దాడి ఘటనలో పోలీసులు ఆరుగురిని అరెస్ట్ చేశారు. నిన్న తెల్లవారుజామున నరసమ్మపై మహిళలు దాడికి పాల్పడినట్లు అధికారులు తెలిపారు. ముందుగా ఆమె కళ్లలో కారం చల్లి, అనంతరం పెట్రోల్ పోసి నిప్పంటించినట్లు వెల్లడించారు.

ఈ దాడిలో నరసమ్మ తీవ్రంగా గాయపడటంతో వెంటనే ఆస్పత్రికి తరలించారు. ప్రస్తుతం ఆమె ఆస్పత్రిలో చికిత్స పొందుతున్నారు. తీవ్ర గాయాల కారణంగా నరసమ్మ ఆరోగ్య పరిస్థితి విషమంగా ఉన్నట్లు సమాచారం.

మున్సిపల్ ఉద్యోగినిపై జరిగిన ఈ దాడి స్థానికంగా తీవ్ర కలకలం రేపింది. ఘటనకు సంబంధించిన కారణాలు, నిందితుల పాత్రపై పోలీసులు దర్యాప్తు కొనసాగిస్తున్నారు. ఇప్పటికే ఆరుగురిని అదుపులోకి తీసుకుని తదుపరి విచారణ చేపట్టారు.