డైరెక్టర్ ప్రియురాలి వల్ల నా సీన్స్ తగ్గించారు: పూనమ్ కౌర్

నటి పూనమ్ కౌర్ తన సినీ ప్రయాణంలో ఎదురైన అనుభవాలపై ఇటీవల ఇచ్చిన ఇంటర్వ్యూలో సంచలన వ్యాఖ్యలు చేశారు. చిన్ననాటి నుంచే లాయర్ కావాలనే కల కలిగిందని, కుటుంబ పరిస్థితుల కారణంగా చదువుపై ఎక్కువ ఆసక్తి ఉండేదని ఆమె తెలిపారు. సినిమాల్లోకి అనుకోకుండా వచ్చినట్లు చెప్పిన పూనమ్, తన తొలి బాలీవుడ్ ప్రాజెక్ట్‌లో తీవ్ర అవమానాలు ఎదురయ్యాయని ఆరోపించారు. షూటింగ్ సమయంలో తన సన్నివేశాలను కావాలనే తగ్గించారని, మేకప్ మార్చారని, దర్శకుడి ప్రియురాలికి అనుకూలంగా వ్యవహరించారని ఆమె పేర్కొన్నారు. ఈ పరిస్థితులతో తీవ్రంగా నిరాశ చెందిన తాను షూటింగ్ మధ్యలోనే సినిమా నుంచి బయటకు వచ్చేశానని చెప్పారు. తనకు నటన కంటే చదువుపై ఆసక్తి ఎక్కువగా ఉండేదని, నాల్సార్ వంటి లా కాలేజీలో అవకాశం వచ్చి ఉంటే సినిమాల వైపు రాకపోయేదానినని వెల్లడించారు. ప్రస్తుతం ఆమె వ్యాఖ్యలు సోషల్ మీడియాలో వైరల్ అవుతూ చర్చకు దారితీస్తున్నాయి.