చివరి బంతి వరకు ఉత్కంఠ.. ముంబైపై ఆర్సీబీ థ్రిల్లింగ్ విక్టరీ

ఐపీఎల్-2026లో ప్లేఆఫ్స్ ఆశలు నిలబెట్టుకోవాలంటే తప్పక గెలవాల్సిన మ్యాచ్‌లో ముంబై ఇండియన్స్ పోరాడి ఓడిపోయింది. చివరి బంతి వరకు ఉత్కంఠగా సాగిన మ్యాచ్‌లో రాయల్ ఛాలెంజర్స్ బెంగళూరు 2 వికెట్ల తేడాతో విజయం సాధించింది. ఈ ఓటమితో ముంబై ఇండియన్స్ అధికారికంగా ప్లేఆఫ్స్ రేసు నుంచి నిష్క్రమించింది.

ముందుగా బ్యాటింగ్ చేసిన ముంబై ఇండియన్స్ నిర్ణీత 20 ఓవర్లలో 166/7 పరుగులు చేసింది. అనంతరం లక్ష్య ఛేదనలో ఆర్సీబీకి ఆరంభంలోనే భారీ షాక్‌లు తగిలాయి. విరాట్ కోహ్లీ డకౌట్ కాగా, పడిక్కల్, పాటీదార్, డేవిడ్ కూడా తక్కువ స్కోర్లకే వెనుదిరిగారు.

అయితే కృనాల్ పాండ్యా అద్భుత ఇన్నింగ్స్‌తో జట్టును గట్టెక్కించాడు. ఒత్తిడిలోనూ ధైర్యంగా ఆడిన అతడు కీలక పరుగులు సాధించి మ్యాచ్‌ను ఆర్సీబీ వైపు మళ్లించాడు. చివర్లో భువనేశ్వర్ కుమార్ బాదిన సిక్సర్‌తో ఆర్సీబీ విజయాన్ని ఖాయం చేసింది.

ముంబై బౌలర్లు పోరాడినా ఫలితం లేకపోయింది. ఈ సీజన్‌లో 11 మ్యాచ్‌ల్లో 8 ఓటములు చవిచూసిన ముంబై, ప్లేఆఫ్స్ ఆశలను కోల్పోయింది. మరోవైపు ఆర్సీబీ కీలక విజయంతో టోర్నీలో తన అవకాశాలను బలోపేతం చేసుకుంది.