విద్యా వ్యవస్థలో విప్లవాత్మక మార్పులు తెస్తున్న మంత్రి నారా లోకేష్ : గుడిసె ఆదికృష్ణమ్మ

ఆంధ్రప్రదేశ్ విద్యా వ్యవస్థను మూలాల నుంచి మార్చే దిశగా మంత్రి నారా లోకేష్ తీసుకుంటున్న నిర్ణయాలు భవిష్యత్తు తరాలకు దిక్సూచి వంటివని కర్నూలు జిల్లా టీడీపీ అధ్యక్షురాలు గుడిసె ఆదికృష్ణమ్మ ప్రశంసించారు. విద్యా రంగంలో జరుగుతున్న మార్పులు రాష్ట్రానికి కొత్త దిశను చూపుతున్నాయని ఆమె అభిప్రాయపడ్డారు.

సింగపూర్ వంటి అభివృద్ధి చెందిన దేశాల్లో అమలవుతున్న ఆధునిక విద్యా విధానాలను అధ్యయనం చేయడానికి 37 మంది ఉత్తమ ఉపాధ్యాయులను పంపించడం ఒక సాధారణ నిర్ణయం కాదని, ఇది విద్యా రంగంలో విప్లవాత్మక మార్పులకు నాంది అని ఆమె పేర్కొన్నారు. డిజిటల్ లెర్నింగ్, స్మార్ట్ క్లాస్‌రూమ్స్, ప్రాజెక్ట్ ఆధారిత బోధన వంటి విధానాలను అధ్యయనం చేయడం ద్వారా రాష్ట్ర విద్యా వ్యవస్థను అంతర్జాతీయ స్థాయికి తీసుకెళ్లే ప్రయత్నం జరుగుతోందని తెలిపారు.

గతంలో ఎన్నడూ చూడని విధంగా విద్యా రంగాన్ని ఆధునికీకరించాలనే లక్ష్యంతో ప్రభుత్వం ముందుకు సాగుతోందని ఆమె అన్నారు. విద్యార్థుల భవిష్యత్తును దృష్టిలో పెట్టుకుని తీసుకుంటున్న ఈ నిర్ణయాలు దీర్ఘకాలంలో మంచి ఫలితాలను ఇస్తాయని విశ్వాసం వ్యక్తం చేశారు.

ఇలాంటి దూరదృష్టి గల చర్యలతో ఆంధ్రప్రదేశ్‌ను విద్యా రంగంలో దేశానికి ఆదర్శంగా నిలపడం ఖాయమని ఆమె ధీమా వ్యక్తం చేశారు. మంత్రి నారా లోకేష్ నేతృత్వంలో విద్యా రంగం మరింత బలోపేతం అవుతుందని ఆమె వ్యాఖ్యానించారు.