గుంటూరు టీడీపీ నేతల ఆత్మీయ విందు సమావేశం..

మంగళగిరి నియోజకవర్గం కుంచనపల్లిలో కేంద్ర మంత్రి పెమ్మసాని చంద్రశేఖర్ గారి నివాసంలో గుంటూరు పార్లమెంట్ ప్రజాప్రతినిధుల ఆత్మీయ విందు సమావేశం జరిగింది. ఈ సమావేశంలో విద్యాశాఖ మంత్రి నారా లోకేష్ గారితో పాటు గుంటూరు జిల్లా టీడీపీ అధ్యక్షులు, రాష్ట్ర లిడ్ క్యాప్ ఛైర్మన్ పిల్లి మాణిక్యరావు గారు పాల్గొన్నారు.

సమావేశంలో రాష్ట్రంలోని తాజా రాజకీయ పరిణామాలు, గుంటూరు జిల్లాలో జరుగుతున్న అభివృద్ధి, సంక్షేమ కార్యక్రమాలపై విస్తృతంగా చర్చించారు. పార్టీ బలోపేతం, ప్రభుత్వ కార్యక్రమాల అమలు తీరుపై నేతలు అభిప్రాయాలు పంచుకున్నారు.

ఈ ఆత్మీయ విందులో ఎమ్మెల్యేలు బూర్ల రామాంజనేయులు, తెనాలి శ్రావణ్ కుమార్, గళ్ళా మాధవి, నసీర్ అహ్మద్, ఎమ్మెల్సీ ఆలపాటి రాజేంద్రప్రసాద్, ప్రధాన కార్యదర్శి పోతినేని శ్రీనివాసరావు తదితరులు పాల్గొన్నారు.

మొత్తంగా ఈ సమావేశం గుంటూరు జిల్లాలో టీడీపీ నేతల మధ్య సమన్వయం, భవిష్యత్ రాజకీయ వ్యూహాలపై చర్చలకు వేదికగా నిలిచింది.