ముగిసిన ఏపీ కేబినెట్ భేటీ.. 80కి పైగా అజెండా అంశాలకు ఆమోదం

అమరావతిలో జరిగిన ఆంధ్రప్రదేశ్ మంత్రివర్గ సమావేశం ముగిసింది. దాదాపు 80కి పైగా అజెండా అంశాలకు కేబినెట్ ఆమోదం తెలిపినట్లు సమాచారం. రాష్ట్ర అభివృద్ధి, పెట్టుబడుల ఆకర్షణపై ఈ సమావేశంలో కీలక నిర్ణయాలు తీసుకున్నారు.

పరిశ్రమలు, పర్యాటకం, ఐటీ రంగాల అభివృద్ధికి పెద్దపీట వేస్తూ పలు ప్రతిపాదనలకు ఆమోదం లభించింది. రాష్ట్రంలో పెట్టుబడుల స్థాపనకు అనుకూల వాతావరణం కల్పించేందుకు అవసరమైన విధాన నిర్ణయాలను మంత్రివర్గం ఆమోదించినట్లు తెలుస్తోంది.

రాజధాని అమరావతి అభివృద్ధికి సంబంధించిన అంశాలపై కూడా కేబినెట్ చర్చించి ఆమోదం తెలిపింది. మౌలిక వసతుల కల్పన, ప్రాజెక్టుల పురోగతి, అభివృద్ధి కార్యక్రమాల వేగవంతానికి సంబంధించిన ప్రతిపాదనలు సమావేశంలో ప్రస్తావనకు వచ్చాయి.

పెట్టుబడుల ప్రోత్సాహక మండలి తీసుకున్న పలు నిర్ణయాలకు కూడా కేబినెట్ గ్రీన్ సిగ్నల్ ఇచ్చినట్లు సమాచారం. పరిశ్రమల ఏర్పాటుకు అవసరమైన అనుమతులు, విధాన సవరణలు, పెట్టుబడుల ఆకర్షణకు సంబంధించిన చర్యలు చర్చకు వచ్చాయి.

మొత్తంగా 80కి పైగా అంశాలకు ఆమోదం తెలిపిన ఏపీ కేబినెట్ సమావేశం రాష్ట్ర అభివృద్ధి దిశగా కీలక నిర్ణయాలతో ముగిసింది.