గద్దర్‌ బతికి ఉన్నప్పుడు మీరంతా ఏమయ్యారు..? : పవన్ కల్యాణ్

హైదరాబాద్‌లో జరిగిన ఓ కార్యక్రమంలో జనసేన పార్టీ అధ్యక్షులు పవన్ కళ్యాణ్ ప్రముఖ ప్రజాగాయకుడు గద్దర్‌తో తన అనుబంధాన్ని గుర్తు చేసుకుంటూ కీలక వ్యాఖ్యలు చేశారు. గద్దర్ జీవించి ఉన్నప్పుడు ఆయనకు తాను ఇచ్చిన సహాయాన్ని కూడా పవన్ కల్యాణ్ ఈ సందర్భంగా ప్రస్తావించారు.

గద్దర్‌కు బుల్లెట్ గాయాల కారణంగా నడవడం కష్టమైందని, ఆ సమయంలో ఆయన ఒక వాహనం అవసరమని అడిగారని పవన్ తెలిపారు. ఆ అభ్యర్థన మేరకు మూడు రోజుల్లో బండి కొనిచ్చానని ఆయన వివరించారు.

అయితే గద్దర్ బతికి ఉన్నప్పుడు ఆయనకు సహాయం చేయని వారిపై ప్రశ్నలు లేవనెత్తుతూ, “అప్పుడు మీరంతా ఎక్కడున్నారు?” అంటూ పవన్ కల్యాణ్ వ్యాఖ్యానించారు. ఈ వ్యాఖ్యలు రాజకీయ వర్గాల్లో చర్చకు దారితీశాయి.

గద్దర్‌తో తన వ్యక్తిగత అనుబంధాన్ని గుర్తు చేసుకుంటూ పవన్ చేసిన వ్యాఖ్యలు సోషల్ మీడియాలో కూడా విస్తృతంగా వైరల్ అవుతున్నాయి.