కాలిఫోర్నియాలో మెదడు గాయాల ఆరోపణలతో రోలర్ కోస్టర్‌ మూత

కాలిఫోర్నియాలోని సిక్స్‌ ఫ్లాగ్స్‌ మ్యాజిక్‌ మౌంటెన్‌ వినోద ఉద్యానవనంలోని ప్రముఖ ఎక్స్‌2 రోలర్‌ కోస్టర్‌ దాదాపు రెండు దశాబ్దాల తర్వాత శాశ్వతంగా మూసివేయబడనుంది. ఈ రైడ్‌లో ప్రయాణించిన పలువురు వ్యక్తులు మెదడుకు గాయాలు లేదా ఇతర ఆరోగ్య సమస్యలు ఎదుర్కొన్నట్లు ఆరోపణలు చేయడంతో భద్రతకు సంబంధించిన న్యాయపరమైన ఫిర్యాదులు వెలుగులోకి వచ్చిన నేపథ్యంలో ఈ నిర్ణయం ప్రాధాన్యం సంతరించుకుంది. అత్యంత వేగం, ఆకస్మిక మలుపులు, భారీ కుదుపులతో ప్రయాణికులకు ఉత్కంఠభరితమైన అనుభూతిని అందించిన ఈ రోలర్‌ కోస్టర్‌ సిక్స్‌ ఫ్లాగ్స్‌ మ్యాజిక్‌ మౌంటెన్‌లో ప్రత్యేక ఆకర్షణగా నిలిచింది. దాదాపు ఇరవై సంవత్సరాలుగా లక్షలాది మంది ప్రయాణికులు ఎక్స్‌2 రైడ్‌ను అనుభవించారు. సాధారణ రోలర్‌ కోస్టర్లకు భిన్నంగా ఇందులో ప్రయాణికుల సీట్లు వాహనం కదిలే దిశకు అనుగుణంగా మాత్రమే కాకుండా 360 డిగ్రీల130 కిలోమీటర్ల వేగంతో ప్రయాణించడంతో పాటు భారీ ఎత్తుల నుంచి వేగంగా కిందికి దూసుకెళ్లడం, అకస్మాత్తుగా మలుపులు తిరగడం, కుదుపులకు గురికావడం వంటి అంశాలు ఇందులో ఉన్నాయి.

ఎక్స్‌2 రోలర్‌ కోస్టర్‌ సిక్స్‌ ఫ్లాగ్స్‌ మ్యాజిక్‌ మౌంటెన్‌లో అత్యంత ప్రత్యేకమైన రైడ్‌లలో ఒకటిగా గుర్తింపు పొందింది. సాధారణ రోలర్‌ కోస్టర్‌లలో ప్రయాణికులు రైలు లేదా వాహనంలో కూర్చుని ముందుకు లేదా వెనుకకు ప్రయాణిస్తారు. అయితే ఎక్స్‌2 రూపకల్పనలో సీట్లు ప్రత్యేకంగా కదిలేలా ఏర్పాటు చేశారు. వాహనం ట్రాక్‌పై ముందుకు సాగుతున్న సమయంలో సీట్లు స్వతంత్రంగా 360 డిగ్రీల వరకు తిరిగే విధంగా ఉండటంతో ప్రయాణికులకు రైడ్‌ అనుభవం మరింత తీవ్రమైనదిగా ఉంటుంది. వేగంతో పాటు సీట్ల తిరుగుడు, ఎత్తు నుంచి దిగడం, అకస్మాత్తుగా దిశ మారడం వంటి అంశాలు కలిసిపోవడం ఈ రైడ్‌కు ప్రత్యేకతను తీసుకొచ్చాయి. ఇదే కారణంగా ఇది వినోద పార్కులో ఎక్కువగా గుర్తింపు పొందిన ఆకర్షణల్లో ఒకటిగా నిలిచింది.