బంగాళాఖాతంలో అల్పపీడనం.. 48 గంటల్లో వాయుగుండంగా మారే అవకాశం

నైరుతి బంగాళాఖాతంలో అల్పపీడనం ఏర్పడినట్లు వాతావరణ శాఖ వెల్లడించింది. ప్రస్తుతం సముద్రంపై ఏర్పడిన ఈ వ్యవస్థ రానున్న 48 గంటల్లో మరింత బలపడే అవకాశం ఉందని అధికారులు తెలిపారు.

ఈ నెల 14 నుంచి 16 మధ్య అల్పపీడనం వాయుగుండంగా మారే అవకాశముందని వాతావరణ నిపుణులు అంచనా వేస్తున్నారు. దీని ప్రభావంతో తీరప్రాంత జిల్లాల్లో భారీ వర్షాలు, ఈదురుగాలులు వీచే అవకాశం ఉందని హెచ్చరించారు.

మత్స్యకారులు సముద్రంలోకి వెళ్లొద్దని అధికారులు సూచిస్తున్నారు. తీరప్రాంత ప్రజలు అప్రమత్తంగా ఉండాలని, వాతావరణ శాఖ తాజా సూచనలు పాటించాలని కోరారు.

రాబోయే రోజుల్లో అల్పపీడనం దిశ, తీవ్రతపై మరింత స్పష్టత వచ్చే అవకాశం ఉందని అధికారులు తెలిపారు.