ఆంధ్రప్రదేశ్ రాష్ట్ర యాదవ ఎంప్లాయీస్ సొసైటీ మహిళా అధ్యక్షురాలిగా దివిటీ పద్మ యాదవ్ నియామకం

ఆంధ్రప్రదేశ్ రాష్ట్ర యాదవ ఎంప్లాయీస్ సొసైటీ మహిళా అధ్యక్షురాలిగా శ్రీమతి దివిటీ పద్మ యాదవ్ గారిని నియమించిన సందర్భంగా ఆమె హృదయపూర్వక కృతజ్ఞతలు తెలిపారు. తనపై విశ్వాసం ఉంచి ఈ కీలక బాధ్యతను అప్పగించిన సొసైటీ ఫౌండర్ & రాష్ట్ర అధ్యక్షులు శ్రీ డి. వెంకటేశ్వర్లు యాదవ్ గారికి ప్రత్యేకంగా ధన్యవాదాలు తెలిపారు. అలాగే రాష్ట్ర ప్రధాన కార్యదర్శి శ్రీ కె. రమేష్ యాదవ్ గారు, రాష్ట్ర ఉపాధ్యక్షులు శ్రీ జి. పుల్లయ్య యాదవ్ గారు, రాష్ట్ర కార్యవర్గ సభ్యులందరికీ పేరుపేరునా కృతజ్ఞతలు వ్యక్తం చేశారు.

ఈ సందర్భంగా దివిటీ పద్మ యాదవ్ మాట్లాడుతూ తనకు లభించిన ఈ బాధ్యతను పూర్తిగా నిబద్ధతతో నిర్వహిస్తానని చెప్పారు. యాదవ సమాజ అభివృద్ధి కోసం తన వంతు కృషి చేస్తానని, సమాజానికి ఎదురయ్యే సమస్యలను ధైర్యంగా ఎదుర్కొని పరిష్కారానికి పనిచేస్తానని స్పష్టం చేశారు. సమాజంలో ఐక్యత, అభివృద్ధి, సంక్షేమం పెంపొందించడమే తన ప్రధాన లక్ష్యమని ఆమె పేర్కొన్నారు.

ఈ కార్యక్రమానికి ముఖ్య అతిథులు, రాష్ట్రంలోని వివిధ జిల్లాల అధ్యక్షులు, కార్యవర్గ సభ్యులు మరియు యాదవ ఉద్యోగస్తులు పెద్ద సంఖ్యలో హాజరయ్యారు. అందరి మద్దతు, ప్రోత్సాహం వల్లే సమాజ సేవ మరింత బలపడుతుందని ఆమె అభిప్రాయపడ్డారు.

సమాజ అభివృద్ధి కోసం అందరూ కలిసి పనిచేయాలని, ఐక్యంగా ముందుకు సాగితేనే సమాజం మరింత శక్తివంతమవుతుందని దివిటీ పద్మ యాదవ్ పిలుపునిచ్చారు. కార్యక్రమం చివరలో “జై శ్రీ కృష్ణ – జై యాదవ్ – జై జై మాధవ్” నినాదాలు మార్మోగాయి.