వినాయక చవితి వేడుకల్లో పాల్గొన్న మహేంద్రనాథ్

వాడరేవు గ్రామంలో వినాయక చవితి ఉత్సవాలు భక్తిశ్రద్ధలతో ఘనంగా నిర్వహించారు. గ్రామంలో ఏర్పాటు చేసిన వినాయక స్వామి ప్రతిమను టీడీపీ అధికార ప్రతినిధి మద్దులూరి మహేంద్రనాథ్‌ సందర్శించి ప్రత్యేక పూజలు, ప్రార్థనలు నిర్వహించారు. వినాయకుడి ఆశీస్సులతో ప్రజలందరికీ సుఖసంతోషాలు, ఆయురారోగ్యాలు కలగాలని ఆయన ఆకాంక్షించారు. అనంతరం ఉత్సవాల్లో భాగంగా భక్తుల కోసం నిర్వహించిన అన్నదాన కార్యక్రమంలో పాల్గొన్నారు. ఈ సందర్భంగా ఉత్సవ నిర్వాహకులు మద్దులూరి మహేంద్రనాథ్‌ను ఘనంగా సత్కరించారు.

ఈ సందర్భంగా మహేంద్రనాథ్‌ మాట్లాడుతూ.. వినాయక చవితి హిందువులకు ఎంతో పవిత్రమైన పండగల్లో ఒకటని పేర్కొన్నారు. విఘ్నాలను తొలగించే వినాయకుడిని భక్తిశ్రద్ధలతో పూజించడం ఆనవాయితీగా వస్తోందన్నారు. భక్తితో గణపతిని ప్రార్థిస్తే ఆయన కటాక్షంతో జీవితంలోని సమస్యలు తొలగి, ప్రజలకు శుభం కలుగుతుందని పేర్కొన్నారు. పండగ సందర్భంగా ప్రజలు భక్తి, ఆధ్యాత్మికతతో వేడుకలను నిర్వహించడం అభినందనీయమన్నారు.

వాడరేవులో నిర్వహించిన వినాయక చవితి వేడుకలకు స్థానిక నాయకులు, ఉత్సవ నిర్వాహకులు, భక్తులు పెద్ద సంఖ్యలో హాజరయ్యారు. ప్రత్యేక పూజలు, ప్రార్థనలు నిర్వహించిన అనంతరం భక్తులకు అన్నదానం చేయడంతో కార్యక్రమం ఆధ్యాత్మిక వాతావరణంలో కొనసాగింది. గ్రామంలో వినాయక చవితి సందర్భంగా సందడి నెలకొంది.