RSS కార్యక్రమంలో IPS అధికారి ప్రసంగం.. రాజ్ ఠాక్రే ఫైర్

మహారాష్ట్రలో రాజకీయ వివాదం చెలరేగింది. సీనియర్ ఐపీఎస్ అధికారి విశ్వాస్ నంగరే పాటిల్ హిందూ సకల్ సమాజ్ నిర్వహించిన కార్యక్రమంలో పాల్గొని RSSపై ప్రశంసలు కురిపించిన వీడియో వైరల్ కావడంతో వివాదం మొదలైంది. ఈ నేపథ్యంలో మహారాష్ట్ర నవనిర్మాణ సేన (MNS) అధినేత రాజ్ ఠాక్రే తీవ్రంగా స్పందించారు. పోలీసు అధికారిగా ఆయన విధి, బాధ్యతలకు మాత్రమే కట్టుబడి ఉండాలని, ఒకవేళ RSSపై వ్యక్తిగత అభిమానం బహిరంగంగా చూపించాలనుకుంటే రాజీనామా చేసి ఆ సంస్థలో చేరాలని వ్యాఖ్యానించారు. “ద్వంద్వ విధేయత చూపడం సరైంది కాదు” అని ఆయన ఆరోపించారు. ఈ ఘటనకు సంబంధించిన వీడియో సోషల్ మీడియాలో వైరల్ కావడంతో రాజకీయ వర్గాల్లో చర్చనీయాంశంగా మారింది. పోలీసు వ్యవస్థ నిష్పక్షపాతంగా ఉండాలనే అంశంపై మరోసారి చర్చను రేకెత్తించింది.